Ака уйặхẽн 25-мẽшẽнче, чặваш халặхне ҫутта кặларакан Иван Яковлевич Яковлев ҫуралнặ кун, эпир кашни ҫулах Чặваш чẽлхи кунне паллặ тặватпặр.

Ҫак сặлтавпа паян, ака уйặхẽн 25-мẽшẽнче, Чуманкасси вặтам шкулẽнче «Аслă патриарх кун-çулĕн йĕрĕпе» вăйă - çулçÿрев иртрĕ. И. Я. Яковлев пурнăçĕпе пултарулăхне халалланă вăйă 6-7 класс ачисем хушшинче пулчĕ.
Мероприятие 7-мĕш класра вĕренекен Софья Игнатьевăпа Александра Федорова ертсе пычĕç. Вĕсем пурне те И.Я.Яковлев пурнăçĕпе, ĕçĕ-хĕлĕпе, пултарулăхĕпе паллаштарчĕç, ыйтусем парса тимлĕ итленине тĕрĕслерĕç. Вăйă - çÿлçÿрева пуçтарăннă ачасем хайсен пултарулӑхӗпе, тавçăрулахĕпе палăрчĕç. Кӑсӑклӑ ыйтусене хуравласси те вӗсемшӗн йывӑрлӑх пулмарӗ. Çапах та вăййа пĕтĕмлетнĕ май чи пултаруллисем те палăрчĕç: 1-мĕш вырăн - Игнатьева Анна ( 7 класс), 2-мĕш вырăн - Волкова Ирина (6 класс), 3-мĕш вырăн - Александров Владимир (7 класс).  
Чӑваш чĕлхипе литературине вĕрентекен Ефимова А.Н. тата Чуманкасси ял библиотекин ертÿçи Иванова З.И. вăйăра хутшӑннисене пурне те ӑшшӑн саламларӗç, тав турӗç, Хисеп хучӗсем парса чысларӗç. Малашне те иксӗлми хастарлӑх сунчӗç. Пирӗн вӑй туслӑхпа пӗрлӗхре пулнине палӑртрӗç.

Мероприяти вĕçĕнче  ачасем «Чǎвашлǎха упрар éмéрлéхе»,  кĕнеке куравĕпе паллашрĕç.